由細到大我都好憎一種人
就係嗰種會係你傷心、落難、做錯時
講「話咗你」「我一早同你講」等等說話嘅人。
喺我眼中呢啲說話只有落井下石嘅意思
並無顯出講者嘅先見之明同智慧，只有顯得無情。
旅遊達人（aka雙面人）鬧被困秘魯港女抵死
一副「I told 7 you so」嘴面，
但最可笑係被人發現佢呢幾個月飛咗八次
其身不正嘅人可以咁大聲，果然係無恥之徒。
有種人就係好似達人咁
對住強權卑躬屈膝，喺微博大力啜中共春袋
但對住比自己弱小嘅人就特別大聲，特別嚴苛。
君不見佢屌柒啲人仲去武漢，
搞到自己被困要香港包機去接人
亦不見佢支持政府要收番呢班人機票錢
更不見佢屌柒政府唔封關，世衛唔做野，
其他國家反應慢乜乜柒柒。
呢種人有種特色：攝石人
見高就拜，見低就踩，見位就入
社交網絡USB是也。
IG：@hkgirlfriend
FB：港女友
Search